「其實執垃圾有乜咁羞恥，我哋成日都周圍去問人攞唔要嘅嘢㗎啦，魚骨、菜葉、蛋殼……點解我反而覺得好好玩嘅？」和仔看到報章「逾千港童拾荒搵錢」的報道，忽然這樣問我。「拾荒唔係可恥，只係佢哋為了生活，當其他小朋友去玩嘅時候，佢哋就要做啲佢哋唔鍾意嘅工作；但你去搜集堆肥材料，唔係去討錢，冇錢你都覺得好玩，重可以廢物利用㖭！好似我哋今日嚟摘微金菊咁。」微金菊是很粗生的植物，來自非洲，由於漫山遍野咁生，遮擋着其他植物進行光合作用，所以亦係植物嘅剋星。「但你又話佢哋好有用嘅？」把一大堆微金菊放在大桶內，浸滿水，冚實蓋浸它半個月左右，至墨綠色的汁液出現後，用筲箕隔渣，以1:20溝水稀釋，當肥料咁淋葉菜類如菜心、白菜等，一星期兩次，咁啲菜就會好靚㗎喇！「咦，咁有用，我哋摘咁多，係咪可以賺到好多錢！」 （四十六）
阿花