荷李活巨星湯告魯斯（TomCruise）前晚好低調咁到咗上海入住FourSeason酒店，而噚晚八點半靚佬湯同女友姬蒂荷斯（KatieHolmes）喺酒店出嚟，之後佢哋嘅座駕喺城隍廟嘅城香閣路停車，佢兩個落車後，即有七個保鑣陪住，呢條街平時都人來人往，噚晚亦唔例外，不過好似冇乜人認出佢哋，但因為有七個保鑣傍住，途人望呢對外籍情侶嘅眼光都變得幾奇怪，梗係貴賓啦！
街坊遷居
當地啲記者影靚佬湯相，佢身邊嘅保鑣即以身阻擋，反而靚佬湯叫啲保鑣唔使擋，有記者向靚佬湯以英語大喊：「歡迎你來中國、來上海！」靚佬湯聽咗後重微笑揮手以英語話：「多謝你們！我非常高興來到這裏。」
此外，後日（周四）靚佬湯同攝製隊就會移師去浙江古鎮西塘拍攝《職業特工隊３》，屆時會封鎮拍攝，而鏡頭內見到嘅地方，居民都唔可以留喺度，所以拍攝地點附近嘅民居要搬走幾日，認真大陣仗。