正所謂為善最樂，福有攸歸，好似王氏港建主席王忠桐同埋佢家族個「王氏慈善及教育基金」，最近捐咗500萬畀廣華醫院，成立王湘華紀念腎科中心，以紀念佢先父。
曾經做過東華主席的王忠桐話，佢爸爸1998年患腎病，一開始就喺廣華醫，但有見資源唔係好夠，於是買咗部洗肚機返屋企日日洗，到02年91歲高齡併發肺炎先入番廣華，但就出唔番嚟，佢生前承諾過，他日廣華需要錢一定會出力，咁巧合，廣華喺舊年計劃將佢哋個觀塘腎臟透析治療中心搬番廣華，需要大約1000萬元，佢哋一眾後人就決定承擔一半……咁華華響呢度代表啲腎病患者同王主席講聲多謝之餘，亦祝願佢多福多壽，可以幫更多人啦！