醫管局慈善基金明年一月會舉辦一個中樂演奏會，為撒瑪利亞基金籌款，八方聽聞佢哋都好威，搵到梁祝協奏曲原作者何占豪（圖）由上海來港，擔任指揮，何占豪喺香港同世界各地都有好多fans，佢聽到嚟做善事，就一口答應。
演奏會定咗喺一月二十二日（星期日）於文化中心舉行，日場門票下個月開始公開發售，而夜場就送畀捐錢嘅有心人。八方問，慈善基金明年籌款目標係幾多？佢哋話希望籌到一千萬，因為啲錢除咗畀撒瑪利亞基金用嚟幫啲貧困老弱同急需特別醫療費用開支嘅人士之外，重為健康資訊天地、病人互助組織以及發展義工之用。如果有興趣捐錢，可致電28824866或者寫抬頭「醫院管理局慈善基金」嘅支票交《蘋果》代轉，或遲吓直接入喺醫院嘅捐款箱。
爆料熱線：29290000、27860099
報料傳真：26239278
報料電郵：[email protected]