西藏嘅文化同工藝別具特色，呢個星期五起一連七日，喺香港會議展覽中心展覽廳會舉行一個名為「擁抱吉祥——西藏珍寶展II」嘅展覽，當中有二十件嚟自西藏博物館同寺院嘅稀世珍品，係首次喺香港展出。
據主辦單位星際文化集團執行董事陳嘉賢介紹，最值得一看嘅係八瓣蓮花大威德金剛鎏金銅像，呢個係明朝永樂年雕鑄嘅，構思同技巧都一絕。
另一焦點係兩幅一直收藏喺大昭寺嘅刺繡唐卡，係首次離寺對外展出，去西藏都未必睇到。本來噚晚已故中共元老葉劍英個孫女、即係葉選平嘅姪女葉靜子親自同八方哋講解，可惜佢由西藏回來，身體重未適應，要多唞兩日。
時間過得真快，上次展覽已經係○一年嘅事，嗰時阿松重未娶伏明霞，而葉小姐就被傳為當事人之一，之後原來靜子已嫁人，重做埋媽媽㖭。
爆料熱線：29290000、27860099
報料傳真：26239278
報料電郵：[email protected]