林百欣女兒林明珠在上海的藝術畫廊大前晚舉行慶祝酒會，林明珠為開幕事宜張羅，連睡眠時間都減少。專注搞藝術的林明珠經常走遍世界各地，無暇拍拖，更揚言不會嫁人。
林百欣女兒林明珠（Pearl）一向醉心藝術，在上海投資多個藝廊，早前更斥資在黃埔江邊開設六千呎的旗艦「Contrast對比窗藝廊」，大前晚先在芝大廈舉行慶祝酒會，邀請近百名中外記者出席，林伯三姨太顧瑞英、前政協副主席朱達人等剪綵後，又舞獅放煙花，但火花卻飛彈前園，燒着大幅草地，可謂火燒旺地。
「藝術最搵錢」
前日藝廊舉行開幕禮，林明珠穿梭打點，她直言為藝術不停飛遍全球，她說：「上星期一先去完巴黎，返香港一晚，又轉去昆明、廣州，搞完開幕，我又要去美國做展覽。前晚我瞓得兩個鐘，不過我都唔滿意，唔夠時間將間舖做到最好！」
林明珠斥資搞藝術，豈非蝕大本？她說：「藝術係最搵到錢嘅，可能開一間賣衫boutique，投資重多過我，藝術最緊要connection。」莫非她準備嫁給藝術？林明珠笑笑口說：「我唔嫁㗎，嫁嚟做乜，拍拖對方都頂唔順我成日飛啦，我阿媽都贊成我唔嫁。」三姨太顧瑞英亦說：「Pearl係工作狂，佢開心鍾意就得，唔拍拖都冇所謂。」
龔如心契仔張雁坤、孫中山孫女孫穗芬和國際名模呂燕等均有出席開幕活動。呂燕大談與納奧美屈絲（NaomiWatts）和愛德華羅頓（EdwardNorton）合演荷李活電影《面紗》，她大讚愛德華羅頓靚仔性感，更希望有章子怡的好運在美國發展。
