朱慧敏和梁榮忠早前的車廂激吻照曝光後，無綫抽起她的所有工作。昨日朱慧敏在將軍澳宣傳節目，她雖面帶笑容，但明顯消瘦不少。問她和梁榮忠會否仍做朋友，她表示要睇緣份，並多謝公司再次給予機會。
上屆港姐亞軍朱慧敏早前被拍得與梁榮忠於車廂激吻照後，無綫抽起她的所有工作，即時雪藏。事件過了兩個多星期，朱慧敏昨日笑容滿面地在將軍澳電視廣播城出席無綫新節目《江山如畫張家界》宣傳活動，無綫特別派出外事部助理總監曾醒明及藝員科高層協助朱慧敏面對傳媒。
有備而來
雖然朱慧敏今次似有備而來，不過回答問題時亦不時與曾醒明作眼神交流，遇到難答問題亦顯得不知所措。問朱慧敏是否已獲無綫解凍？她說：「都唔係乜嘢解凍，公司都係保護自己，咁我係主持人身份主持娛樂節目有衝突，目前都係正常咁工作，總之多謝公司再次畀機會我，至於新工作嘅嘢，都係要等公司安排。」
對於被指破壞港姐形象，朱慧敏說：「希望時間可以沖淡一切，將自己各方面都做好啲，以後畀人一個健康嘅形象。」
人望高處
對於梁榮忠得知朱慧敏被公司雪藏後，表示十分公道，朱慧敏說：「我冇睇呢段報道，成件事都告一段落，過咗去唔想再提，人要望高處，好與否都上咗人生寶貴嘅一課。呢兩個禮拜我都有寫吓專欄，各方面嘅嘢都有寫，唔止感情，連生活上嘅體會都有。」問朱慧敏對於世紀賤男這稱號有何睇法？她表示沒有任何意見，與梁榮忠會否仍然是朋友，她則說要睇緣份。
採訪：王崇穎 攝影：仇志德
