吳浩康昨晨九時許在經理人和姑姐陪同下抵達九龍城裁判法院，於禁區線落車的吳浩康讓記者拍照時表情拘謹，有六名fans入庭聽審。
經過上午聆訊後，吳浩康心情明顯轉好兼臉帶笑容，直至下午五時左右，聽到裁判官宣判無罪釋放，他才鬆一口氣，姑姐離開法院更即時致電家人報喜訊。
被案件困擾多月的吳浩康對判決表示開心，被問到曾公開否認事發時在場時，他說：「我承認呢件事處理有唔啱嘅地方，我當時諗點解關我事，我又唔識啲人，咁咪當冇去過囉。」最後他承諾除工作外，會絕迹夜店。
Mani：望佢乖啲
吳浩康的經理人霍汶希（Mani）表示，相信吳浩康及法庭判決結果，她說：「佢最錯係唔聽公司話去酒吧搵堂兄，佢喺工作上有付出努力，唔畀機會佢會好嘥，希望佢乖啲，唔好辜負大家期望。」而吳浩康將於下月中與余文樂合演電影，明年初推出廣東碟，尚有兩個廣告於洽談中。