經濟發展及勞工局局長葉澍堃近日「沙」塵僕僕，用咗4天時間往返中東國家沙地阿拉伯，此行目的係代表特區政府同沙地阿拉伯王國政府正式簽署一份航權（航班配額）協議。
葉局長上周五傍晚出發，周日喺當地完成簽約儀式，之後再會見部份當地商業及旅遊業界代表，順道推廣香港旅遊市場，噚晚匆匆回港，整個行程好緊湊。
大家不要以為中東國家無吸引力，佢其實係香港航空網絡一個重要嘅新興市場。國泰航空早於2、3年前，已經利用兩地嘅臨時航權協議，開辦香港至沙地阿拉伯利雅得嘅航線服務。現時共有13家航空公司，經營每周110班往來香港至中東9個地點嘅客貨運航班。