龍劍笙（阿刨）和梅雪詩（阿嗲）演出的粵劇《西樓錯夢》前晚在文化中心演出尾場，之後到洲際酒店慶功，白雪仙都有到場。阿嗲到場即喜極而泣，問她覺得表現如何？她說：「唔係好滿意，因為有啲緊張，仙姐每一晚都會講我哋不足之處，重會示範畀我哋睇。」
阿刨遊日充電
早前有雜誌指任劍輝逝世，遺產只留給親姪，未有分配給白雪仙，問阿嗲可知此事？她說：「唔知喎，亦唔敢問仙姐，不過相信師傅泉下有知，都唔會介意嘅（指遺囑刊登）。」問阿刨可會返加拿大休息，她表示會去日本和朋友遊玩，稍事休息。
問白雪仙可滿意徒弟的演出？她說：「台前幕後好團結，多謝各兄弟姊妹，不過因演出費用昂貴，所以暫時唔會移師去其他地方演出。」
採訪、攝影：藍文浩