許志安前晚在傑青頒獎禮上致辭，表示認為對或有推動力的事情，定會繼續沉迷下去，並呼籲年輕人要繼續沉迷；然而，年輕人的判斷力不一定正確，安仔這番呼籲可能會弄巧反拙。
楊千嬅、許志安和古巨基等應屆傑青，前晚在灣仔會展出席「2005十大傑出青年選舉」頒獎典禮晚宴。千嬅買了三張枱請父母、朋友和「人山人海」工作人員出席，安仔亦買了三張枱宴請家人及張衞健、吳國敬、蔡立和歐陽德勛等好友，基仔則買了兩張枱宴請傅明憲、倪震、周慧敏、經理人黃柏高（Paco）和傑青提名人趙曾學韞等人。
榮耀歸父母
安仔在台上致辭時說：「張衞健問我做咗傑青之後有啲乜嘢唔會做，我答佢話唔會特別做多啲公益，但一定唔會少得過以前。我會做番自己，入行十九年都咁堅持『沉迷』，如果自己認為啱同有推動力嘅話，我會繼續沉迷去做，希望年輕人繼續沉迷。」年輕人的判斷力未必一定正確，安仔着年輕人「繼續沉迷」這番話，隨時造成反效果。
安仔又說：「多謝屋企三十幾年嚟當我細路，唔當藝人，佢哋令我變成一隻冇翼嘅雀仔，可以令我腳踏實地。爹哋因為行動不便冇嚟，但個獎其實係屬於父母，自己只係代領啫。」說話到此，安仔已兩眼通紅。
基仔謝Paco
基仔先後在台上清唱《叮噹》和《友共情》，並說：「Paco（黃柏高）畀咗好多信心我，當我以為冇機會再唱歌嗰陣，佢畀咗好多信心我，幫咗我好多。」倪震日前行斜路時扭傷，但前晚也撐着枴杖到場，而其女友周慧敏前晚生日亦畀面出席，認真夠老友，周慧敏說：「我一路以為自己十一月二十號生日，但早兩年媽咪話畀我知原來搞錯咗，其實我係十一月十號生日至啱。」
此外，楊千嬅前晚雖然穿上晚裝赴會，但她整晚蹦蹦跳看來十分粗魯，千嬅解釋說：「我唔慣着到咁formal，而且我怕條裙太長踩到。」
採訪：王連連 攝影：何國豪
