一牙科病人因右上顎一隻臼齒爆裂，疼痛非常，前往衞生署轄下西區牙科診所求診剝掉爛牙，但事後發現爛牙未剝，但旁邊一隻完好牙齒則被剝去，影響進食，向診所投訴牙醫疏忽，病人不滿衞生署要一星期後才跟進，向《蘋果》求助。
《蘋果》讀者陳女士稱，本月五日她在家中吃紅棗時，誤咬硬核，令右上顎臼齒牙面爆裂，疼痛非常，影響進食，前往衞生署薄扶林道的西區牙科診所求醫，牙醫檢查後稱，牙齒表面已爆開，須即時剝掉。
剝牙後數天，她突然發現壞牙原來仍在口中，未有剝掉。「剝完後嗰幾日痛到食唔到嘢，冇晒心機，都冇張開口睇過，而且我又點會諗到原來隻壞牙未剝，反而剝咗隔籬冇事嘅好牙。」她向記者歎道，她已一把年紀，只餘下小量「好牙」，故特別心痛好牙無辜被錯剝。
「我惟有買止痛藥食住先，等自己冇咁辛苦。如果佢哋肯同我剝多次牙，我都好無辜要捱多一次痛，而且我擔心要自己畀錢補番兩隻牙」。
要候一周始跟進投訴
事後，她致電西區牙科診所投訴，但職員覆稱需等候一個星期始會跟進，又無交代會否替她剝掉壞牙及補做假牙，她遂轉向《蘋果》求助。
衞生署回覆本報查詢的覆函中，並無提及何以當日有關牙醫錯剝另一隻牙齒及如何跟進，只稱該署早前已接獲陳女士反映，衞生署經了解後已即時作出跟進，並與她聯絡。
衞生署：想辦法補救
陳女士事後向本報表示，衞生署並無向她解釋何以當日沒有替她剝掉已爆裂的牙齒，只表示事情既已發生，便盡量想辦法作出補救。
她稱，衞生署牙醫日前已替她做好牙模，方便製作牙套，並已預約明年一月底再見牙醫。「佢哋重話遲啲會幫我處理埋其他有問題嘅牙，之前都重話要等一個星期先覆我，如果我唔係走去《蘋果》投訴，佢哋都未必會跟進得咁快同咁積極」。
（一一○七○二三）
服務熱線
電話：29908288
傳真：23702192
電郵：[email protected]