任達華、車沅沅和苗僑偉等昨日在清水灣參加「第七屆仁濟慈善高爾夫球比賽」，日前任達華返無綫擔任台慶頒獎嘉賓，問到會否效法苗僑偉回巢拍劇，任達華即耍手擰頭說：「唔會，好浪費時間，咁阿苗有生意，我係靠拍戲搵生活費，我估𠵱家拍一集劇點都唔會高過陳道明啦，或者三年後先拍。」
任達華表示如果拍劇，一定會要求胡杏兒擔任女主角，他大讚對方有潛質，是同輩姐仔中演技最好的，還說：「今年佢攞唔到真係有啲嘥，不過阿姐（汪明荃）都做得好好。」
盛讚吳卓羲
至於男藝員，任達華睇好吳卓羲，雖然外界批評吳卓羲演技木獨，不過任達華就大唱反調說：「佢重未開竅啫，佢外形好，羅嘉良以前都係咁，𠵱家無綫缺小生，不如叫嘉良返嚟，出面風大雨大，TVB樹大遮陰，呢個係我經驗，呢十年都唔見有邊個跳出電視圈係成功啦。」
採訪、攝影：駱華齡