商場聖誕布置大多完工，恒基將軍澳新都城中心商場，有「火樹銀花聖誕樹」煙花滙演，商場內有棵三十呎高聖誕樹，裝咗三千個燈泡及八千枚冷凍煙花，聖誕期間，會有多場煙花滙演。
九倉鑽石山荷里活廣場，以「紫幻聖誕魔法派對」為聖誕裝飾主題，又引入最新GFX互動投影技術，首次喺本港商場節慶活動應用。呢種技術，係配合四套影像感應器，以及預設電腦遊戲程式，產生另類多媒體互動遊戲。
太古地產又一城商場以「LightupyourChristmaswithPlatinumatFestivalWalk」，同國際鉑金協會合作，喺七十呎全港最高嘅室內巨型聖誕樹上，掛滿鉑金飾物，好似小天使、聖誕小鐘、聖誕球、聖誕襪及小聖誕樹等。
另外，中環國金商場，以經典童話故事「胡桃夾子」做主題，場內有棵三十五呎高魔幻聖誕樹，配以六呎高真金樹頂裝飾，夠晒璀璨耀目。