Twins昨日穿上鑽石胸圍透視裝出席演唱會記招，大會安排四名猛男作狀向今日二十三歲生日的蔡卓妍（阿Sa）獻吻，但她坦言最怕肌肉猛男，至於緋聞男友鄭中基則表示打算送補品給阿Sa補氣，認真體貼。
組合Twins昨日出席在旺角舉行的「TWINS一時無兩演唱會2006」記者會，二人穿上透視裝，隱若現出鑽石胸圍，性感非常，現場還有小丑表演打觔斗及噴火等雜耍，最後大會更安排四位戴上獅子面具的肌肉男伴着Twins。
Twins見到四名肌肉男時即笑不攏嘴，今天是阿Sa二十三歲生日，故四猛男分別向Twins作狀獻吻，令二人十分尷尬。其間阿Sa好奇地篤一篤猛男的手臂，並笑說：「嘩！好實呀。」
真心話無底線
阿Sa接受訪問時說：「公司同我哋講話有四個小朋友扮WinnieThePooh，點知原來係四個大隻佬！其實我好驚大隻佬㗎。」問阿Sa是不是喜歡瘦弱型的男士？她即笑說：「總之我唔鍾意大隻佬啦！」
Twins表示在今次演唱會中會有很多真情對白，問她們會否談及緋聞？阿Sa說：「我哋係講感情，唔係緋聞。」鍾欣桐（阿嬌）說：「其實我哋未度會講乜，但一定係真心同冇底線。」問阿Sa收到了緋聞男友鄭中基的生日禮物未？她說：「唔知呢？唔回應。」
無懼公開戀事
此外，鄭中基昨日在中環出席宣傳活動，記者問他會送甚麼生日禮物給阿Sa，他說：「其實我未諗送乜，佢就嚟要開演唱會，應該送補品畀佢補氣。」阿Sa聲言在個唱中會說心底話，問鄭中基會否擔心戀情事被搬上舞台？他說：「冇諗過呢啲，最緊要係佢要唱得好。」
採訪：胡比 攝影：林德雄
