上月才公布嘅NokiaE61，其「真身」竟在毫無先兆下出現於香港舉行嘅「3GWorldCongress&Exhitbition」會場！呢部機雖然未正式喺香港發布，不過今次暗渡陳倉，其實係為咗另一件事—就係宣布旗下第三代S60平台嘅網頁瀏覽器！
玩上網一直唔係S60平台長處，但經過進一步開發之後，據講，新一代網頁瀏覽器乃建基於蘋果電腦嘅「SafariWebKit」流動通訊工具而設，其最大優點係能夠將頁面保持原有嘅編排形式，確保原汁原味；另外，頁面支援放大及縮小功能，方便瀏覽之餘，亦有利於喺網上進行文本搜索（TextSearch），使用方法拍得住電腦上網咁方便！當日，S60技術人員以06年首季才推出嘅E61及N71作示範，此兩款手機雖未正式開放讓傳媒試玩，但由於規格上支援3G，試用上網嗰陣，頁面既忠於原貌，下載速度重相當流暢，對商務玩家嚟講絕對係期待之作！
記者、攝影：陳國輝
