前日有個律師畢業禮，即係讀完書，又實習完，可以打正名做生意；儀式喺高等法院舉行，好隆重，八方都有出席見識，兼賀一位前行家畢業。
話說Angela原來喺英文報章做記者，後來去讀law，跟黃英豪學師，順利畢業，師傅當然好高興；黃英豪睇落好年輕，原來同黃仁龍同期，佢話自己個女都成十八歲，真係講都唔信。黃英豪係黃英琦細佬，佢兩人都入咗策發會，向煲呔出謀獻策。
黃英豪話自己間律師樓以前都有幫襯黃仁龍，後來佢升做資深大狀，收費貴啲，就少咗搵佢，原來做大狀真係唔易。張文光都有去恭喜Angela，佢同八方講，阿涂個七十八歲老人係真有其人，因為件事由頭到尾阿涂都同佢商量，只係大家估唔到個廣告威力咁大啫。
傳真︰2623-9278
電郵︰[email protected]