「四個人瞓晒喺行人路同馬路地上嗰度，成身都係血，有個塊臉重……唉，總之好恐怖嘞。」在車禍現場附近經營士多的姓張東主表示，當時仍未收舖，赫聞門外傳來猛烈撞擊聲響，走出查看，發現一輛私家車右邊車身嚴重損毀，四名男女分別倒卧行人路及馬路，相信是從車內拋出，即與附近多名玻璃廠工人跑近企圖施救。
電線塔損毀停電半日
張先生說，「當時係想救人，睇吓幫唔幫到啲傷者，但行埋去，發現佢哋四個人，三個冇晒反應，剩低一個亦只得微弱氣息，驚幫倒忙，冇同傷者做乜嘢急救。」他又說，四男女俱滿臉披血兼成身酒氣，相信事前四人都飲過唔少酒，車禍相信是「醉酒累事」。
發生車禍的南環路，限速六十公里，但現場一段路面為大直路，經常有人超速行駛，而從肇事私家車及被撞電線塔的毀爛程度看來，張先生估計出事時該車時速應逾百公里，電線塔損毀令到部份地區要停電，以便更換新的電線塔。
張埋怨道：「因為呢單嘢，停電停咗半日，好唔方便，醉酒真係唔好揸車，累己累人。」
本報記者