鍾麗緹前晚在北京出席LV活動，對於舊愛郭富城（Aaron）成為金馬影帝，她說：「係咩？我諗台灣對佢好啦，我都替他開心。」言下之意，似指大會偏幫城城，鍾麗緹說：「唔係，咁Aaron第一個廣告喺台灣拍，又喺台灣發迹。我冇睇過套戲，希望佢繼續努力啦。」
郭富城昨日在廣州出席浪琴表推廣活動，對於周潤發大讚他在電影《三岔口》中的演出，城城說：「總之乜嘢人讚我都開心，重要係發哥，當然開心。」好友林海峰暗寸擘口痛哭的一幕是抄《七宗罪》的畢彼特，城城說：「兩場戲嘅演繹都好唔同，我就好自然咁代入角色。」
「唔了解張秋」
城城在金馬獎領獎時感情十足地多謝小美，令人覺得兩人的關係已超出工作之外，城城說：「我哋可以話亦師亦友，佢文學修養好高，教識我好多嘢。」此外，電影《哈利波特火盃的考驗》飾演張秋的華裔女角梁佩詩表示喜歡城城，城城說：「我好多謝佢，我只知佢係個演員，其他都唔了解，點可以貿貿然去話鍾意一個女仔？」