港姐冠軍楊婉儀嫁予練馬師王登平的兒子王瑞勳後，變身幸福少奶奶。前晚楊婉儀出席珍珠品牌活動，一時忘記戴耳環，即場獲夫婿碌卡送贈價值一萬四千多元的珍珠耳環，令她喜出望外。
日本珍珠品牌Mikimoto推出全新silkroad系列，昨日吸引名人包括廖創興後人廖坤城周煒瑩夫婦、容永道女友藍思敏和名媛榮雪梅等。楊婉儀穿一身紅色tubedress到場，因忘記戴耳環，夫婿王瑞勳即場碌卡，買了價值一萬四千多元的黑珍珠耳環給她，令楊婉儀喜出望外。
乖女花名豬仔包
楊婉儀難掩幸福笑容，大談溫馨家庭生活時說：「我真係好鍾意珍珠，結婚時媽咪都係送珍珠畀我做嫁妝。𠵱家個女六個月大，好重，抱到手軟，我哋都叫佢『豬仔包』。老公好錫佢，一放工就返屋企睇佢，就算有應酬都趕返屋企先。遲啲聖誕節想買一棵大聖誕樹，等囡囡可以拆禮物。」楊婉儀又謂現時體重已減至九十七磅。
早前盛傳懷孕的榮雪梅，穿上一身低胸窄裙與丈夫赴會，她的上圍明顯豐滿不少，對於懷孕之說她笑而不答，只是狂試首飾，不過最終空手而回。昨日榮雪梅接受電話訪問提到懷孕傳聞時支吾以對，她說：「𠵱家唔方便講，有好消息一定通知大家。」
榮雪梅專心炒股
榮雪梅強調稍後將減少出席社交活動，她說：「因為我投資美股，呢半年成日出去玩，冇時間、精神昅實個巿，賺少咗好多錢，又少咗時間陪個仔，以後最多一星期一次。」
採訪、攝影：RitaLeung
