向來大情大性嘅教統局局長李國章，噚日喺葵芳新都會廣場用「百萬富翁」遊戲方式推銷資歷架構，個活動係由亞視王牌主持人陳啟泰做主持嘉賓，點知李局長突然搶先同陳啟泰癲一番！亞瑟王話自己好想做大富翁，重問陳啟泰答中問題會唔會有獎金，陳啟泰即刻笑話：「李局長，你做咗百萬富翁都唔知幾多年啦！」亞瑟王自己都忍唔住笑而不語。
向來玩得放嘅佢，親身上陣同陳啟泰玩「百萬富翁」遊戲，答中問題時，更忍不住手舞足蹈，不時舉起勝利雙手。玩得興起，李局長重專登用吓五十五十嘅錦囊，之後又玩吓問現場觀眾，邀請台下嘅田北辰代答問題。雖然李局長有錢到飛起，但向來數口好精，依然成日提住獎金，又話無獎金就無錢請同事食飯喎！
爆料熱線：29290000、27860099
報料傳真：26239278
報料電郵：[email protected]