等待已久，天氣終於跌破20度關口，晚間的清風送爽，少穿一件衣服也會有冷涼感覺。胃暖，自然身暖，火鍋湯底今年都興滋補養生，燕窩雪蛤，不理浪費與否，全放進鍋內烚，有點嘥？烚完後全鍋湯灌進肚子就是啦！
記者：李淑芬
攝影：譚盈傑、伍慶泉、楊錦文、陳偉強、李淑芬
模特兒：Nick、Carrie、Bianca、Ken（Salvador）
烚蠔蝦自製海鮮煲
自助餐做火鍋已經屬少數，用燕窩粥底來烚食物，就更是少有。新近推出的火鍋自助餐有齊自助餐的冷盤、熱葷、甜品供應，但額外加入了一款燕窩粥底火鍋，以矜貴的粥底烚各款新鮮配料。基本上所有粥底是由不同湯底煲成，然後再以湯底煲成粥，所以粥底已味道十足。以粥底烚生料，最好是加蠔、蝦等海鮮，活像一道生滾海鮮靚粥。嫌粥底的燕窩不知去向？十多款加了燕窩的甜品在等着你呢！
燕窩滑雞粥底
以老雞、當歸、杞子煲成湯底，再熬成粥底，當歸的味很突出，受歡迎程度可以好極端，喜歡的會很受落，不愛當歸味的，就未必接受到。
食咗好瞓啲：燕窩鯊魚骨粥底
鯊魚骨湯底加了川芎、黨參一同煲，有助去頭風，令失眠的可以安睡，鯊魚骨湯甜，味道較雞粥及豬骨粥清。
同場必食：泰式生蝦
上鋪燕窩，蝦點酸辣醬食夠惹味。
金象皇御膳（27391318）
地址：尖沙嘴北京道1號地庫（海港城對面，Dior店側）
晚市自助餐時段：6:00pm-9:30pm
收費：星期一至五$218、小童$138，星期六、日及公眾假期$238、小童$158。
加埋中藥夠滋補
以日本家鄉菜為主打的京木季節料理，在設計湯鍋時，特意加入日本高纖牛蒡，增加湯的營養成份。較特別的是將中式的藥材加進湯鍋，老闆馬先生說：「其實日本人都會喺湯鍋裏加入藥材嚟食，只係呢啲藥材都係嚟自中國。」
濃而不鹹：中華風鴨鍋$68
以日本麵豉湯煮，配料有鴨胸肉、日本牛蒡、杞子、金菇、豆腐等，麵豉湯濃味卻不鹹，與鴨胸的味道正好配合。
驅寒保暖：辛辣鯖魚鍋$68
湯底以豬骨及薑煲成，辣味除了來自薑，還有鍋內的黑胡椒粒及自醃泡菜，秋冬吃，驅寒保暖。泡菜以日本辣醬醃，酸味較小，味道較黑椒及薑突出。
京木季節料理（35909909）
地址：銅鑼灣金百利商場5樓3號舖
營業時間：12:00nn-12:00mn
貴族豬做湯底
呢間主打火鍋當然是SPF豬，SPF不是防曬指數，而是代表Specific-Pathogen-Free（不含特定病原體），是由「日本SPF豚協會」認可的170個養豬場出產。所有豬不含病原體，養飼過程中用藥物份量是普通豬的20%。豬肉含飽和脂肪含量低，口感佳，售價也比普通豬高十倍以上。
熟後肉唔實：SPF健康豚涮涮鍋$68
這客涮涮鍋，只是加進清水，以配料的鮮味搭救，當中包括昆布、大葱、冬菇、紹菜、豆腐。豬肉的肉質纖維有少量油花間隔，烚熟後不會太實，而且肉質清爽，點上加了辣椒蘿蔔茸及葱絲的醋汁吃更是惹味。
秋田風飯卷廣島蠔鍋$52
日本秋田縣人會將飯卷加入火鍋中吃，加入麵豉醬後燒。湯鍋底似烏冬湯的豉油湯，加入了充滿蠔味的廣島蠔，湯味濃。
東京和食Sun（25061838）
地址：銅鑼灣時代廣場食通天13樓1304號舖
營業時間：12:00nn-12:00mn
帶子青口好足料
雖然大胃王格局有點像茶餐廳，但環境卻不像茶餐廳般嘈雜，一眾上班一族只靜靜地用餐睇電視，偷閒的感覺十分強烈。最近，餐廳於晚市時間推出新湯鍋，一個鍋一碟料，乾淨利落，當中有滋補的，亦有惹味選擇，用料足，連殼蝦、帶子、鮮魷、鳴門卷、青口，加進湯鍋，有肉有菜類，不會Heavy，數十元價錢算是實惠。
似冬蔭功湯底：酸辣海皇鍋$58
紅色的鮮茄紅椒湯底，像冬蔭功湯底，但辣味不強。配料同樣是海鮮，但組合有點不同，有青口、帶子、鮮魷、蝦、鳴門卷。
養顏栗子雞煲$55
由淮山、圓肉、杞子、黨參、栗子、粟米、甘笋做鍋底，藥味較濃。半隻雞是附上的配料，可加酒可不加，隨你喜愛。
大胃王（31022748）
地址：灣仔船街15號寶志閣地下B舖（灣仔地鐵站A3出口步行約5分鐘）
營業時間：7:00am-1:00am，星期五、六、日
營業至3:00am
新推雪蛤烚意粉
以中、西、東南亞Fusion菜為主打的MetKitchen，今年首次推出火鍋食品，兩款鹹味湯底有海鮮味及雪蛤豬骨味。另外也有滋潤的椰汁小火鍋甜品，可以烚蓮子、意粉等，也夠創意。
蝦仔濃湯海鮮鍋$68
較濃稠的鍋底，以大量蝦仔熬成，所以蝦味極濃，說它是一個湯也不為過。
雪蛤好滋陰：滋潤養生豬骨湯底$68
豬骨湯底，加了滋陰雪蛤，另外是百合、蓮子、紅棗，清潤的組合。
為食貼士
兩款鍋的配料同樣是海鮮，有三文魚、帶子、蝦、魷魚、墨魚汁意粉，烚意粉還是第一次試，感覺幾特別，但不能烚太久，否則麵條會過腍。
MetKitchen（23910688）
地址：旺角亞皆老街36至38號地下及閣樓
營業時間:11:00am-6:00am
