黃宗澤開口要名表

黃宗澤噚日到新城接受訪問，佢同馮仁昭講今年台慶得到連卡佛贊助麖皮西裝一套，又獲贊助一隻價值六位數字嘅手表，佢重話台慶之後希望贊助商將隻表送畀佢。
而日前黃宗澤出席周刊頒獎禮時着住古裝出現，佢話有唔少外國人見到佢重以為去咗集古村㖭，不過佢就成功搶鏡，搞到苗僑偉都講笑話要着古裝喎。