李家聲最近在無綫劇集《阿旺新傳》中塗黑臉扮「阿星」林賓而人氣急升，連影壇巨星周潤發日前都公開大讚他應該在今晚舉行的台慶中奪得飛躍進步獎，雖然李家聲未能憑《阿》劇在台慶獲得任何獎項提名，不過他仍然十分感謝發哥的鼓勵。
無綫劇集《阿旺新傳》自播出以來大受觀眾歡迎，自稱電視精的影壇巨星周潤發日前更公開點名大讚劇中多名演員，其中包括飾演巴基斯坦癡心漢林賓（阿賓）的李家聲。
抱平常心
觀眾欣賞自覺似得獎
在《阿旺新傳》中，李家聲演糖水舖夥記，與湯盈盈演的阿好是同事關係，二人其後成為情侶。其中一幕講述醜女阿好化名美麗參加《殘忍一叮》，阿賓從收音機中聽到美麗的美妙歌聲後生傾慕之心，後來從電視上看到美麗竟然就是阿好，一切幻想破滅，即場目瞪口呆，場面令觀眾忍俊不禁。
李家聲在今晚舉行的《萬千星輝賀台慶》中，分別憑《我師父係黃飛鴻》及《學警雄心》兩劇提名最佳男配角獎，可惜的是他並未能憑《阿旺新傳》提名任何獎項，令林賓一角成為台慶遺珠。談到此事時，李家聲平靜地表示自己在《阿》劇戲份不算太多，故沒有提名也不感到奇怪，他說：「能夠喺觀眾心目中留下深刻印象，我已經好似得咗獎一樣咁開心。」
開心綠葉
寓工作於娛樂感幸運
入行多年的李家聲雖然一直擔任綠葉角色，不過他仍然自覺是幸運的一群，他說：「我係演員，負責演出嘅人員，一份工可以畀到錢我夠生活，而且又真係自己鍾意，已經好幸運啦！好多人日日返緊一份唔鍾意嘅工，不過為咗要生活而頂硬上，咁咪重慘。」
李家聲又指綠葉角色是每齣劇集必須的配套，縱使有時不被注意，不過他仍然會緊守自己的崗位。他說：「我之前都為咗《我師父係黃飛鴻》裏面嘅豬肉榮角色，增肥二十磅，導演原本話可以戴假肚，但係我心目中嘅豬肉榮應該唔怕凍，要好粗豪咁打大赤肋畀人睇，所以一定唔可以係假肚，之後即刻減肥接拍《學警雄心》，即使做綠葉亦要做最出色嘅。」
近日《阿旺新傳》令飾演阿好的湯盈盈人氣急升，在一星期內接受了多達二十個大大小小的訪問，相反李家聲在此期間竟推掉了七、八個訪問，他說：「可能之前真係諗埋一邊，不過呢幾日有兩個人令我重新思考過，第一個係啱啱新婚嘅《阿旺新傳》監製黃偉聲，佢知我推訪問就同我講，唔為自己都要為套劇；第二個係發哥，佢喺報紙到讚我，我好想多謝佢，不過冇佢電話，所以想透過訪問畀佢知道我係好多謝佢。」
採訪：卓美娟
攝影：林德雄
