佳士得秋季拍賣由二十七號一連四日在港舉行，好多靚嘢，近日不斷搞預展谷宣傳，噚日輪到饒宗頤作品推介。饒老今次會有十二幅作品出來拍賣，其中以《四山佳處》同埋《潮州八景》最矚目，兩者估價合共高達三百五十萬，拍賣收益全數撥入年初成立嘅「饒宗頤基金會」，用來支持中國文化研究項目。
九旬高齡嘅饒教授，聽力雖則麻麻，但講起自己嘅作品時，就中氣十足，手舞足蹈。佢同八方講，《四山佳處》係浙江雁宕山、五嶽華山、四川劍門，同埋桂林蒙山，係佢今年創新佳作，其中一幅華山只係用十分鐘就完成（但累積成九十年功力），而《潮州八景》就充滿鄉情，事關潮州係佢嘅出生地。
有興趣睇饒教授大作嘅讀者，可以喺下星期五六兩日，到會展捧吓場；事關二十七號拍賣，俾人買咗，就想睇都難啦！
傳真︰2623-9278
電郵︰[email protected]