去超市買嘢，係香港人生活嘅一部份；有無諗過，對好多越南人嚟講，去超市就等於去博物館，好少去，甚至從來未去過！亞銀研究當地低收入市民行超市嘅習慣，發現六成一人至今都未去過超市，因為超市貨品嘅價錢起碼比街邊檔貴一至四成。其實，越南超市嘅發展史好短，○○年先至有四十家；到今日，先有幾百家，相比香港呢個彈丸之地，閒閒哋超過五百家，就睇得出兩個地方嘅消費力差距有幾大。