我一向堅持食飯要落銅鑼灣，蒲吧要去中環的原則，因為一直認為中環消費太過高，食餐晚飯閒閒哋都要成千蚊，唔化算。直至最近，這個原則開始出現動搖，因為我發現原來中環的高級食肆，也會像時裝店一樣，在轉季時分大減價，今次分別找來西、日兩間餐廳，以後食完飯再蒲吧可以一站過。
記者：黃婉冰
攝影：譚盈傑
Model：Irene
4道菜$295
主打摩登fusion西菜的Mezz在晚餐時段推出抵食setdinner，共四道菜的晚餐現在只需$295/位（原價$475）。由頭盤到甜品，每款都是在menu中特別挑選出來，有備受客人歡迎的菜式，亦有招牌菜，而且碟碟都份量十足，胃口小一點都未必食得晒。
頭盤（2選1）
香煎法國鵝肝
泰式青檸汁減輕鵝肝油膩感，微辣香甜。另有黑菌伴波羅門沙參、松子茸選擇（後）。
餐湯（2選1）
意南瓜茸湯
伴有薯絲和甘笋絲的南瓜茸，滑溜香甜。
花椰菜紅葱湯
用腍的花椰菜茸煮成，湯面是加了意大利醋的紅葱。
主菜（3選1）
蟹肉青貝意粉
用上鮮蟹肉和法國青鮮口煮意粉。
香草燒羊架配暖香芝士汁
選用澳洲prime羊架，濃而不膩。
燒浸鱸魚配香薯千層餅
鱸魚起骨煎香，配以打成泡的龍蝦汁令魚味更濃。
甜品（2選1）
蛋白雜莓甜餅
甜脆的焗蛋白淋上雜莓汁、桑莓雪葩和鮮花。
焦糖香蕉撻配呍呢拿雪糕
焗千層酥皮、面層鋪滿薄片香蕉，連同雪糕入口，一香一滑。
Mezz（25238989）
地址：中環遮打道10號太子大廈閣樓M20-M28號店
營業時間：星期一至六上午11時半至晚上10時半，星期日及公眾假期休息
供應時間：即日起至12月31日（星期一至六晚餐時段）。
$338/2人日式鐵板樣樣有
在有質素的日本餐廳食一餐，叫一碟魚生拼盤再加碟鐵板燒，埋單隨時過二百蚊，最近Miso就在晚市推出了一個二人套餐，前菜、小食、烏冬、魚生拼盤、鐵板燒樣樣食齊，埋單四百有找，散叫就要約$500，鐵板燒還可在十款中自選兩款，最啱拖友放工撐枱腳。
鐵板煎珍寶大蝦
虎蝦一斤只得三隻，非常巨型，剝殼煎香伴以紅椒、青瓜、日本黃蘿蔔粒，蝦肉爽口。
鐵板煎鵝肝
鵝肝選用法國最頂級的，配以鮮果粒和火龍果、橙肉、白酒煮的汁，啖啖果香。
Miso（28458773）
地址：中環怡和大廈地庫15號店
營業時間：星期一至六11:30am-10:30pm，星期日及公眾假期休息。
供應時間：星期一至五晚市，星期六午市及晚市。
食客都話抵
