掀起連串爭獎是非的無綫台慶頒獎禮今晚舉行，男主角獎項由郭晉安力戰陳豪，而女主角大熱汪明荃（阿姐）前晚不單被博彩公司封盤，昨日在台慶拜神儀式中更綵排領獎壯聲威。
無綫一年一度台慶頒獎禮將於今晚在將軍澳電視廣播城舉行，昨日無綫公布部份大獎十大名單，當中的最佳男主角獎項是阿旺郭晉安與陳豪之爭，汪明荃與郭可盈則屬女主角獎項大熱。
阿姐：攞唔到就慘
網上博彩公司「易勝博」為台慶開盤，阿姐的賠率因為太熱，在前晚八時多已跳升到1.8倍，博彩公司遂於前晚八時半左右抽起阿姐盤口，並由原來昨晚十二時封盤提前到昨午三時。昨日阿姐在廣播城出席拜神儀式時，獲陳百祥試頒女主角獎項，在旁的沈殿霞（肥姐）還大聲叫好，阿姐說：「好多人睇好我（攞獎），𠵱家心情都好緊張，攞唔到就慘啦。𠵱家有好多人喺我身上買重注，令我好有壓力。」郭可盈卻沒有出席拜神儀式。
對於有傳夏萍會奪星輝大獎，阿姐說：「佢喺呢行好耐，演出一絕，攞呢個獎係實至名歸。」阿姐又笑言自己未夠年紀領此獎。前晚阿姐到紅館擔任林子祥個唱嘉賓時，不忙拉票，她向觀眾說：「希望大家投我一票，投我一票呀！」
至於有份出席拜神儀式的黎姿昨日屢次強調與被傳不和的郭可盈有通電話，示意雙方有溝通，但對有傳郭可盈接拍無綫新劇《太極》換獎，竟衝口而出說：「咁咪好囉！」又問她是否相信傳聞？她說：「唔知呀，又唔係高層，佢攞獎咪好囉，一定恭喜佢，我今日都有恭喜佢呀。」但之前黎姿表態撐阿姐，突然又賀可盈，問她會否擔心得失阿姐？她說：「都係恭喜吓啫，每個人都恭喜吓，唔好咩？」
阿旺想請發哥食飯
此外，郭晉安和陳豪昨在紅磡出席頒獎禮，安仔回應日前被周潤發稱讚時說：「係咪真㗎？多謝晒！唔知佢得唔得閒，請佢食餐飯吖！我想聽番佢講，等我可以做鈴聲嘛！」但他卻擔心會大熱倒灶。而前晚陳豪與廖碧兒和吳美珩在旺角出席電器宣傳活動，陳豪對被發哥稱讚則說：「好開心，我都睇好阿旺（郭晉安）攞獎，佢真係好強，攞獎嘅嘢，順其自然，最初我都好有信心，但阿旺返嚟之後，佢氣勢太勁，所以我信心都下降咗，我都覺得安仔好好。」
採訪：駱華齡、卓寶花 攝影：葉君海
