大家好！我叫Carbo，係一隻9個月大的啡虎斑捲耳貓。我有一個大家庭，父母生咗5個阿哥家姐，佢哋全部都係紅虎斑嚟㗎。我好羨慕佢哋可以住喺私家玻璃貓房入面，有一個小天地。點解我冇得住？因為主人Wendy覺得我重細未定性。不過我已經開始轉食大個仔貓糧喇，遲啲都可以喺入面霸番個靚位。𠵱家等我屋企人帶你參觀吓佢哋座架勢貓豪宅啦！
記者︰劉昱蘭 攝影︰周旭文
原產地為美國的捲耳貓，屬於突變的品種。牠們性情開朗，對人友善，所以Wendy已經養緊7隻紅虎斑嘅時候都唔嫌多，見到Carbo咁得意識同佢玩，老公又話7隻單數唔好意頭，就買埋Carbo返屋企。Wendy︰「屋企咁多貓，最煩就係沖涼要預約。」另外，捲耳貓的耳朵彎位易藏污垢，要經常清洗。Wendy話佢哋嘅耳道好窄，清理時要好小心。
50呎落地玻璃房
做貓，有主人錫有個竇，已經好好命，呢班矜貴貓重可以自己有間房，真係恨死隔籬貓。Wendy話︰「貓咪房設備齊全，佢哋住得舒服之餘，屋企又可以企理啲，唔會全屋貓毛。」
貓展爭氣
喺8月的貓迷會貓展中，孻仔Carbo同埋四弟大頭，分別喺幼貓組同家貓組獲得第一名和第四名的佳績。以往都未試過有捲耳貓得第一，Carbo就非常厲害創先河。因為啡虎斑係捲耳貓中較少有的品種，啡色毛色十分罕有，加上靚靚的圓圈同十字紋，令Carbo喺100隻貓中突圍而出。
幼貓組的貓主要係外表同品種的比試，而家貓組就睇性格同反應。大頭在比賽中，好識同評判玩，重識得Kiss評判，搞到評判鬼咁開心，抵你得獎。
絕技一圓頭開門
絕技二 小虎偷牙刷
一家怪貓
