講手袋講鞋，絕對講十期都講唔完。去年在置地落腳的法國高跟鞋宗師RogerVivier，四、五十年代已經走紅，做過英女王紅寶石鞋，令他的作品蒙上一份小眾的noblemood。去年被Tod'sgroup收購，商業化已經在所難免，早排還公告將於○六年底前全面進攻歐洲、日本。見過一眾荷李活女星如籮霸、妮歌潔曼用，連本地的舒淇都着埋，走勻大小頒獎禮。
潮人張曼玉之選，自然不是最搶的高跟鞋，她早前以一身黑衣，拎RV巨形銀方釦clutch。上面的方釦反而是品牌最有故事性的signature，來自RV於六十年代幫YSL設計的BelleduJour鞋，近季開始搬上袋用，今季更多了羊仔皮、漆皮、satin及不同尺碼、colors、pattern，曼玉用完，相信都響起警號。
TextbyM2
本欄逢星期一至五刊出
