【本報訊】重回舊地，有人攜着老伴的手一起到「老地方」，感觸良多；有人重遇兒時玩伴，細說陳年趣事。在大口環根德公爵夫人兒童醫院的花園裏，笑聲處處，溫情洋溢。
於不同時期在大口環接受治療的楊慧嫻及賴志德，出院後卻在朋友的介紹下相遇，大家由一見如故，到相知相識，然後雙雙踏上紅地氈，展開了十七年的甜美婚姻生活。一般男士都喜歡另一半小鳥依人，但賴志德對楊慧嫻的堅強情有獨鍾：「佢雖然行唔到，但喺屋企重要照顧啲妹，所以好欣賞佢嘅堅強獨立。」聽見丈夫的讚美，楊慧嫻笑不攏嘴，之前從未想過會結婚的她，認為大口環使她懂得積極面對人生：「今日同老公一齊返嚟，感覺特別深刻！」
「行唔到望鏡傾偈」
這邊廂甜甜蜜蜜，那邊廂數十載不見的兒時玩伴則在高談闊論，重提陳年趣事。「我哋呀，以前半夜成日偷偷地匿埋喺蚊帳入面食杯麵！」
林玉梅談起往事興奮得哈哈大笑，當年惹笑情景歷歷在目。進大口環時仍未足十四歲的林玉梅、鄭錫君及黃少珍闊別數十載仍老友鬼鬼：「我哋以前就係小朋友，𠵱家就係老朋友！」
性格樂觀的林玉梅憶述當年與病魔作戰的苦日子，仍然滿臉笑容：「以前匿埋喊就梗㗎啦！不過我哋都會互相鼓勵，我哋夜晚瞓喺床行唔到，就用床頭塊鏡望吓隔籬嗰個，大家望住塊鏡傾偈囉！」