劉德華近日拍攝新片《墨攻》時傷腳，監製徐小明獲悉後即送上果籃慰問。原來華仔閒時會在片場化妝間牆上畫主角「革離」淚流披面的畫像，華仔解釋是因角色慨歎世間上無止境的戰爭，感到很傷痛，所以才淚流滿面。
劉德華和范冰冰近日在內地拍攝張之亮執導的新片《墨攻》，他日前拍攝一場由五層高城樓墮下的戲份時不慎傷腳。
搞千人慰勞宴
有份投資的驕陽電影有限公司總裁暨《墨攻》監製徐小明當時正在美國工作，回港後立即送果籃及慰問傳真予華仔，但果籃要三個多小時才由酒店門外送抵他房間，華仔說：「自從梁詠琪喺北京酒店俾人偷偷入咗房之後，當地唔少酒店都加強咗保安，我今次住嘅酒店重係大隊將整棟大樓都租咗落嚟，所以保安好嚴謹。」
華仔把果籃與同層的韓國演員崔始元及工作人員一同分享，但全個劇組約有千名工作人員，華仔笑言：「小明哥下次萬歲生果買多啲，咁先可以畀多啲工作人員一齊食。」徐小明聽到華仔之言後，還揚言只要整個劇組同心協力將《墨》片拍好，一定大搞千人宴以作慰勞。
希望永遠和平
華仔在北京影城拍攝期間，不時為簡陋的化妝室進行粉飾，他除了在木牆上寫字外，還畫下戲中造型的自畫像。華仔畫了自己飾演的「革離」一副淚流滿面的樣子，他說：「大家唔好誤會我拍呢部電影辛苦到要喊，革離喊係因為唔明點解世界會有戰爭。《墨》片係一部反戰電影，希望呢個世界永遠和平友愛。我演嘅墨者革離係活於戰火嘅人，唔知聽日係生係死嘅難民，又點會有特別花巧嘅造型？難民日日都泥濘滿面。」
