無綫小生黃宗澤過去一年一口氣拍下一百五十集電視劇，工作量多得驚人，但其月薪卻不足三萬元，雖然付出與收入不成正比，但黃宗澤笑言自己是個投資者，深信總有一天能賺得回報，一圓其咖啡店老闆夢。
獲無綫力捧的小生黃宗澤，在過去一年先後演出電視劇《我的野蠻奶奶》、《阿旺新傳》、《天幕下的戀人》、《上海傳奇》及趕拍中的《強劍江湖》等，總數合共一百五十集，拍劇量之多確實十分驚人。
演得又捱得
黃宗澤日以繼夜的拍劇，難免缺乏休息時間，故身上有不少舊患都無暇醫治，但二十四歲的他勝在精力旺盛，日前他接受本報訪問時便說：「早排拍《強劍》時，吊威吔整親右腳腕，到𠵱家都未睇醫生，而且𠵱家我好怕凍，早兩日又感冒去咗睇醫生，但我唔怕捱，我有自動復元系統，最緊要有劇拍，最擔心係冇錢使啫。」
據知黃宗澤月薪平均不足三萬元，他一提到錢便笑說：「幾多就唔好講，中規中矩啦，入行五、六年，人工好過好多人，可以更高的話，梗係更開心啦。」但他每月供車交租已花費逾萬，會否入不敷支？黃宗澤說：「夠使嘅，有登台同廣告嘅外快賺，又唔係要富豪享受，我最主要嘅飯堂都係公司Canteen，又有媽咪幫我理財。」
現處耕耘期
問到黃宗澤可覺得付出與收入不成正比？他說：「我係投資者嚟㗎，唔可以單睇眼前，係睇長線，況且公司每年都有加人工畀我，𠵱家係耕耘期，第日賺到錢希望開間咖啡室，再買層樓同媽咪一齊住，咁就verygood嘞。」
採訪：朱倬誼 攝影：何國豪
服裝：Replay（牛仔褲為受訪者私物）
