讀者陳小姐日前在寵物店購買一頭兩個月大松鼠狗幼犬，當時職員強調狗隻已接受疫苗注射，並出示針紙作證，，且有獸醫簽名，遂買下幼犬回家。松鼠狗回家後數天精神活潑，但至第五天便沒精打采，拒絕進食，不斷流鼻水和屙血。
陳小姐問：「我即時帶佢去睇獸醫，醫生話佢有狗瘟同病毒性腸炎，好難醫。但我買佢時明明已經打咗針，而且頭幾日重好活躍，點解過咗幾日就病？」
獸醫黎昌生解釋：疫苗經注射後最少經七至十天才發揮功效，如果寵物的免疫系統不全、已染病、或在潛伏期內，所有注射均無效，故陳小姐所購幼犬雖已注射疫苗，但事後仍然生病。
他提醒狗主：「買狗時唔可以太衝動，應該留喺寵物店，花一個鐘觀察吓隻狗，睇佢眼耳口鼻同大便有冇唔妥。」
一般幼犬須於六至八周齡注射第一支預防針，前後共需接受注射三支預防針，其後每年一次，預防多種疫病（見表）。一般而言，幼犬從寵物店到新主人家，因環境轉變而變得焦慮，較易生病，「所以應盡量減少改變，佢食開邊隻糧就食番嗰隻，跟番佢喺寵物店嘅餵食時間」。
狗主買狗時可留意以下情況，以辨別狗隻的健康狀況：
1.所有健康狗隻在籠中被釋放出來後，都會表現雀躍，不會「吽吽豆豆」。
2.眼球太多紅筋或眼水、眼邊有眼膠，即可能眼睛發炎。有流鼻水、打噴嚏、咳嗽，可能是上呼吸道受感染。牙肉應呈粉紅色。如發現耳朵邊位有結焦或硬塊，即狗隻有皮膚病。
3.留意狗屁股四周毛髮有沒有黏糞便的痕迹，如有即表示狗隻曾出現肚屙，可能已感染腸胃病。
一般預防針
注射周期：6-8周齡、12-14周齡和16-18周齡時注射，其後一年一次
可預防疾病：預防狗瘟，病毒性腸炎、病毒性肝炎、副流行性感冒、鈎端旋體病
本欄逢星期一及五刊出，就日常生活上可能遇到的各種疑問，提供正確訊息。
服務熱線
電話：29908288
傳真：23702192
電郵：[email protected]