女子組合Krusty成員張詠恩早前疲勞過度暈倒家中，留醫一星期，有見及此唱片公司暫時推掉她的所有工作。日前張詠恩到紅磡睇中醫，醫師笑她年紀輕輕卻有腎虛情況出現，勸她要好好休養。
組合Krusty成員張詠恩（Jan）個多星期前暈倒家中，送院診斷後證實是疲勞過度及休息不足，醫生要求她留院一星期休養，其間阿Jan更要吊盬水，她說：「我都冇諗過自己咁後生，但係咁鬼孱弱，平時都有做運動，估唔到自己係疲勞過度。」
中藥調理身體
日前阿Jan到紅磡睇中醫，希望吃中藥調理身體，中醫師診斷後指阿Jan有腎虛、濕重的情況出現，又指她休息不足。阿Jan指今次要入院「維修」的另一個原因是她一直給自己很大壓力，她說：「醫生話我呢個病同壓力都有好大關係，可能近年尾工作比較多，而且出完碟都有啲無形壓力，我諗係所有嘢積積埋埋一次過爆發出嚟先至會咁嚴重。」
阿Jan指醫生只許她吃清淡食物，同事每天都如管家一般審查她的早、午、晚餐，阿Jan笑說：「我𠵱家覺得好冇人生樂趣，餐餐都係食啲好清淡嘅嘢，我同啲同事講燕窩就最清淡，不過佢哋又唔買畀我食喎。」
自立計劃受阻
此外，阿Jan本有意於明年初與一名女性友人搬出來住，但因病後其母反對她搬，阿Jan說：「因為我間房愈嚟愈多嘢，所以我好想同個朋友一齊夾份搬出去住，媽咪都應承咗。點知今次病一病，嚇到阿媽都反口，佢話要睇住我喎。」阿Jan笑言個多月後會再次游說母親讓她與朋友同住。
採訪、攝影：李珮洳
