廖碧兒在無綫台慶的「飛躍進步女演員」候選名單中佔兩個席位，雖然面對勁敵周麗淇，但仍對奪獎充滿信心。廖碧兒又謂縱使落敗，也不會失望，只要觀眾記得她演過的角色，已感心滿意足。
無綫台慶的「飛躍進步女演員」戰況激烈，在三十六個提名中，廖碧兒憑劇集《心花放》和《妙手仁心Ⅲ》入圍，雖然角色討好，但由於其他對手如周麗淇、陳敏之、唐寧和姚子羚等均各具實力，故此還未知鹿死誰手。
獎項非一切
不過有報道指演《秀才遇著兵》的周麗淇穩操勝券，問事情若果屬實，廖碧兒可會失望？日前她在中環說：「唔會失望，重會戥佢開心，因為我只係一直盡量做好自己，唔係為咗獎，做呢行已經辛苦，當然有獎會好開心，而我亦對自己有信心，但唔會畀壓力自己，最緊要係觀眾有反應，對我有深刻印象。」
廖碧兒表示很感謝公司栽培和觀眾的愛護，但她不會用獎項衡量藝人成功與否，她說：「唔可以用獎去計，攞獎唔係代表我好過你。我覺得最重要係觀眾記得你做過嘅每一個角色，好似𠵱家去街，都會有人叫我角色嘅名，做呢行只係想有人記得。」
被公司詐型
早前有指廖碧兒遭公司勒令收起性感，令一些未上位的女藝人紛紛走出來行性感影雜誌封面，似乎想取替廖碧兒的性感地位，廖碧兒對此說：「公司冇叫我唔好露，只係唔好成日騷出嚟，我會因應唔同場合着唔同嘅衫。至於話我成為他人嘅模仿對象，我真係唔知亦唔會理，我係走健康路線，唔係露乜露乜嘅性感，我只會做好自己。」
採訪：馮美茵攝影：陳慧安
髮型：WardenLuk（IIColpo）
化妝：PaulineChan
服裝提供：Chloe,D&GfromIFCLaneCrawford
場地提供：HavanaBar&Grill
