葵涌最新工貿樓，應該係都會坊，呢幢物業都幾受歡迎。𠵱家個價比發展商○三年推出時，已經升咗唔少，皆因好多投資者鍾意買。 中原工商部營業經理羅小媚話，都會坊二十二樓正在標售，明年一月六號截標。個盤對用家嚟講，就非常適合，因為可以即買即用。羅小媚話，好多物流公司搬咗入呢區，變成物流業集中嘅工業區。