賭王四姨太梁安琪（圖）首次當選為澳門立法會議員，噚日喺特首何厚鏵施政報告答問大會上，拍晒心口話自己代表博彩業。佢認為何特首既然喺施政報告講到博彩業係澳門嘅龍頭產業，政府好應該設立博彩業界嘅協調機制，避免不必要競爭。
何特首就話，政府對博彩業嘅健康發展寄予厚望，不過開放賭權後嘅三個賭牌，全面建設重未完成，真正嘅競爭重未開始。佢講到明：「講得唔好聽，你哋三個（賭牌持有人）如果傾掂數，政府到時唔知服從定唔服從你哋好，主動權最好仍然喺政府手上穩陣啲。」
傳真︰2623-9278
電郵︰[email protected]