後日舉行的無綫台慶頒獎禮，陳豪有四套劇入圍角逐「最佳男主角」獎，跟《阿旺新傳》的郭晉安同被視為大熱門。陳豪更獲意大利名牌GiorgioArmani贊助台慶夜的衣着，日前陳豪便到中環Armani店揀選戰衣。
無綫《萬千星輝賀台慶》後日舉行，陳豪憑主演劇集《秀才遇著兵》、《心花放》、《妙手仁心III》及《胭脂水粉》四劇角逐台慶「最佳男主角」，更獲意大利名牌GiorgioArmani贊助靚衫出席頒獎禮。陳豪連日來忙於拍攝新劇《滙通天下》，他日前在開工前偷閒到中環GiorgioArmani店揀戰衣，為攞獎作好準備。
今年信心勁
問陳豪對爭奪「最佳男主角獎」信心多大？他笑說：「多過一半啦！有冇機會攞獎呢樣嘢，其實自己心中有數，好似舊年咁，我知道自己一定唔得，一定係《金枝慾孽》嘅林保怡攞，因為佢個角色好出。但今年覺得自己嘅《心花放》同《秀才遇著兵》都應該有啲機會。」
除陳豪外，《阿旺新傳》的郭晉安和《人間蒸發》的苗僑偉呼聲亦甚高，尤其是郭晉安飾演的阿旺，觀眾甚為受落，究竟在陳豪心目中哪一位才是勁敵？他不假思索地說：「安仔！阿旺個勢好強，時裝版《阿旺》嘅表現更深層次咗，輸畀安仔嘅話，我會口服心服。」
一直以來，不論是電視、電影還是音樂上的獎項，也會有人為求奪獎而作出許多行動，例如討好高層，向高層私下拉票，又或是開出一些交換獎項的條件等，陳豪亦相信做這種事的大有人在，他說：「呢種情況一啲都唔出奇，但我寧願花多啲時間演好角色，因為我根本唔鍾意呢類應酬！」
拒交換條件
陳豪續說：「獎項應該係baseon部戲係咪演得突出，唔應該靠關係，如果靠關係同交換條件攞到獎，而唔係憑實力取勝嘅話，攞獎都攞得唔光彩，攞到獎都俾人噓啦！無可否認，交情對攞獎係有幫助，但交情都要有交代，如果你唔得嘅話，人哋用乜嘢理由畀獎你？」
問陳豪是否很在意獎項？他直認不諱說：「在意㗎，有邊個唔想攞獎喎！呢個係人哋對你演技嘅認同，亦都證明你付出嘅嘢冇白費。」
採訪：戴彩煥 攝影：陳慧安
