資深名模馬詩慧昨日率領樂基兒、陳嘉容、周汶錡、陳沛嘉和周倩圯為鞋履品牌行騷。眾模特兒打成一片，惟獨早前曾在雜誌大爆模特兒私隱、有「是非精」之稱的周倩圯自成一國，明顯跟其他五位模特兒沒有交流。
鞋履手袋名店OnPedder引入鞋履品牌GiuseppeZanotti，昨日在中環舉行鞋騷，出席的名模有馬詩慧、樂基兒、周汶錡、周倩圯與傳不和的陳嘉容及陳沛嘉。
曾作老友狀
馬詩慧依然極具台型，散發名模風采，及後眾模特兒大合照時，馬詩慧、樂基兒、陳嘉容、周汶錡和陳沛嘉都打成一片，但早前於雜誌大爆同行整容名單的「是非」人物周倩圯（Samantha）則顯得極不自然，坐在旁邊的她與另外五位女模顯然格格不入。當記者力邀曾牽連「整容名單」的周汶錡上前與Samantha一起接受訪問時，周汶錡即禮貌地婉拒，表示只樂意接受個別訪問。
記者上前問樂基兒是否與Samantha友好，樂基兒即發揮鬼妹仔本色謂：「你話呢？不如你哋問番佢。」Samantha於是上前攬樂基兒作老友鬼鬼狀，更大讚樂基兒是甜姐兒。
問近日是非纏身的陳嘉容有否排斥Samantha時，陳嘉容說：「其實每個人甫士唔同，你哋唔好亂諗嘢，呢度個個都係我朋友。」記者再問她與Samantha同期出道，事業發展比Samantha理想，她則說：「人各有志，每個人行條路唔同，做嘢最緊要開心。」
稱有打招呼
最後，記者問Samantha被指為是非精，與眾模特兒合作時是否感尷尬？她卻說：「喺salon有同佢哋sayhi，不過我冇講是非，係本雜誌『賴』我。」
採訪：JessicaNgan
攝影：MatthewLam
