廖碧兒昨日出席一個護髮品牌的宣傳活動，今年替無綫拍了不少劇集的她，獲不少廣告商青睞，豬籠入水。腰傷未癒的廖碧兒表示在台慶會扮魚跳舞，勁扭纖腰，以謝無綫力捧之恩。
廖碧兒昨日以一身性感打扮現身尖沙嘴，為護髮品牌宣傳，她今年為無綫拍了多套劇集，故獲得不少廣告商垂青，令廖碧兒的荷包腫脹了不少。問廖碧兒可會買禮物獎勵時，她說：「我要儲錢換大屋，同埋幫我愛犬仔仔娶老婆。」
望住獨立屋
廖碧兒說：「我𠵱家住七百幾呎，希望未來可以換九百幾呎或千幾呎嘅屋，我想搵到間複式嘅，雖然𠵱家與爹哋同住大型屋苑，出入較方便，不過我渴望住獨立屋。」對於台慶當晚抽獎送的都是內地樓，廖碧兒說：「我返內地要申請VISA，唔方便，而且要先交一筆管理費，又要三年後至可以轉售。不過聽講今年台慶多咗好多獎品，我希望可以抽中車同現金獎，若果真係抽中樓都冇所謂，因為爹哋都鍾意返去內地度假。」
對於台慶將至，廖碧兒表示服裝方面已有幾個贊助商，但仍未選定，至於珠寶鑽飾因一直都有贊助，所以毋須費心。而當晚廖碧兒將與肥姐沈殿霞及胡杏兒等人扮魚跳舞，由於有很多扭腰動作，而她的腰傷未癒，所以練習時都要戴腰封。
新設榮譽獎
此外，台慶今年增設一個新獎項「最具欣賞價值大獎」，被譽為最高榮譽的節目大獎，該獎項無分節目類別，旨在表揚一些高收視、又有欣賞價值的節目。十個候選名單包括有《甜孫爺爺》、《我的野蠻奶奶》、《阿旺新傳》等劇集，綜藝節目則有《殘酷一叮》、資訊文教節目有《百年中國》和《百法百眾》等。
採訪：王崇穎
攝影：仇志德
