黎明早前為拍攝新戲《情義我心知》海報，公開徵求活鴨，結果遭電影公司老闆林建岳以防範禽流感為由禁止使用，Leon拍攝時看到假鴨還以為活鴨不動，叫人拿水餵鴨。
黎明日前為新戲《情義我心知》拍攝宣傳海報，早前電影公司不理禽流感恐慌，公開徵求活鴨拍攝，後有幾位熱心人士願意借出活鴨，但結果黎明還是用假鴨。
誤將假貨當真
原來電影公司老闆林建岳得悉黎明要接觸活家禽，即緊張地禁止並對工作人員說：「禽流感點可以當玩？萬一黎明有乜事，我去邊度搵番個仔賠畀黎爸爸？」結果工作人員只好找一隻假鴨替代，但黎明卻被蒙在鼓裏。
到拍攝當日，黎明與攝影師討論如何拍攝之際，他霎眼間看到一隻鴨子呆呆地站在布景板前動也不動，便問工作人員：「點解隻鴨唔郁咁乖嘅？攞啲水畀佢飲啦。」再仔細一看，黎明才發現那是一隻假鴨，於是追問工作人員怎麼不見了活鴨，知道是林建岳的意思，他也無話可說，只道：「我爸爸先冇佢咁緊張，不過呢隻鴨假到好似真咁，冇所謂啦。」
阿澤抱鴨吹尾
另一主角杜汶澤見假鴨十分趣致，飛身上前抱起假鴨吹鴨尾，他笑說：「邊有家禽想患禽流感㗎，呢隻咁肥美健壯，應該冇病。」女主角葉璇則謂：「老闆對我哋真係好，佢唔准大家用活鴨拍攝，我哋喺呢個時候都應該愛錫自己，唔好接觸任何禽鳥。」
此外，黎明昨日從北京返港，因為北京被大霧濃罩，飛機比原定時間遲了三個多小時抵港，黎明在北京越洋恭喜舒淇勇奪金馬獎「最佳女主角」，問黎明會不會跟舒淇慶祝，他說：「第一唔好將呢啲事無聊化，第二，個獎佢值得攞，係應該睇過佢套戲嘅人都知佢應得。」
