香港首部以公司管治為題材嘅電視片集系列「實施公司管治」，將會喺本月27日明珠台下午一點三至兩點首播，總共5集，由20位嚟自商界、監管機構同專業人士，包括利豐嘅馮國綸、股評人DavidWebb、港交所同證監會嘅高官等，講解公司管治嘅重要性。
不過，呢套片嘅來由都好偶然，提出製作呢部片嘅公開大學公司管治學碩士生導師AlanAu話，原本佢想將呢套片做企業管治碩士學位教學材料，因為要邀請呢班繁忙嘅商界精英到學校講學係無可能，於是想到以拍攝短片方式邀請佢哋發表意見，重安排喺明珠台播放，除可教育大眾，片集重收公關宣傳效應。不過，暫時無意喺中文台播放，主要係就番受訪者多以英語發表意見。