吳卓羲與薛凱琪昨日出席一時裝品牌新店開幕，二人擔任剪綵嘉賓，不過吳卓羲的待遇卻較好，他可以隨時到店內揀衫，而薛凱琪則要自己買，靚仔果然較着數。
吳卓羲（Ron）、薛凱琪（Fiona）與鄭融昨日出席在尖沙嘴VivienneWestwood新店開幕禮，其中阿Ron與Fiona擔任剪綵嘉賓，三人均是此品牌的忠實擁躉，所以他們亦以一身VivienneWestwood的打扮亮相。
開口𢱑贊助
阿Ron透露該品牌會贊助他，可隨時到店舖攞衫，他說：「呢個品牌有啲衫都幾貴，今次呢個活動，有酬勞之餘，又可以揀衫都幾開心。」
但同是剪綵嘉賓的Fiona就未如阿Ron般得到厚待，她表示早前的音樂會亦是此品牌贊助她，有些她特別喜歡的服飾，卻要自掏腰包買下，Fiona說：「如果佢哋以後可以贊助我就好啦，不過公司都話傾緊贊助。」
日本花幾萬
Fiona昨日頸上戴着贊助商的狗骨頸飾，她表示十分喜愛，因為覺得非常特別，Fiona說：「早排我去咗日本開會，公司都好好，特登畀我留多一日，我就趁嗰日用咗幾萬蚊shopping，雖然時間少啲，但都已經好開心。」
鄭融雖然不是剪綵嘉賓，但對於可以光臨新店開幕，亦感到很榮幸，鄭融說：「呢身打扮都係我自己揀㗎。」
採訪：胡比
攝影：何榮亮
