上個月底，市場傳出宏碁集團創辦人，有台灣IT業教父之稱的施振榮老闆，身體不適嘅消息，一度引起外界擔憂。施夫人葉紫華話，年屆六十有一嘅施老闆係因為心律不正引發輕微中風，已無大礙，正喺醫院休養，短期內將停止一切嘅對外活動，連替周刊寫嘅專欄亦將喺兩個星期存量用完後停止。但係佢老人家就唔聽話，好多時乘自己精神好，口述約二千字嘅專欄，令老婆大人為之氣結。