無理由㗎？還未開始有機耕作，我已經學人喺屋企個小盆栽種小番茄，次次啲番茄都好似我塊面咁紅卜卜，點解係呢幾棵嘅番茄葉向上翹，鬈埋一執，縮細，跟住幾天後便枯萎？想極都唔明，還曾經白癡到以為有鬼！兩年喇，呢個疑團終於喺上星期解開喇！
懸兇竟然係隔籬屋嘅Popeye！是我親眼看見那小狗在我棵番茄上撒尿，之後便出現以上症狀，幾天後便凋謝了！原來這種「病」叫「打狗耳」，因植物直接被強烈的「肥料」刺激，葉片收縮皺摺如狗耳朵。「我Popeye幫你施肥啫，邊有整死你啲番茄喎！」Popeye的主人陳師奶反駁我，但其實都是一般人的誤解，以為真的「史廖林白蔡（屎尿淋白菜）」，不過即使用天然肥料，也須經過稀釋，或者要相距遠一點才可以！為了保護我的心血，我在番茄旁種了些油麥菜作圍欄，沒有一枝枝植物依傍，小狗再沒來尿尿，我的番茄也再沒「打狗耳」了！（四十四）
阿花