樓市陰霾不定，唔單止對買賣市場有影響，租客都好難做決定，中記就有單工廈租賃，租客一度因為對前景唔係咁睇好，取消擴充決定，撻定六萬一，最近又回心轉意再去馬，以同一租金、租番同一單位。
中記方德智話，有間美國品質檢定公司，七月簽約，承租葵涌達利中心中層兩單位，夾埋逾萬一呎，每呎五個三，為期四年。不過，到八月收匙，突然話撻定，業主惟有再度放租。
唔知係咪佢哋近幾個月生意好，又再傾番，業主最後都係以相同租金租畀佢，不過，免租期就由原先一個月減至三個禮拜。
算佢好彩，中記冇追番先前嘅佣，做兩轉，都係收一個佣算數。
電郵地址：[email protected]