余安安昨日與十七歲女兒李文琪母女檔行騷，一份酬勞兩份分。余安安評箍牙中的女兒笑容不夠甜，只得八十分。穿低胸裝的余安安更透露十六、七歲已開始護胸，可惜女兒不願分享她的經驗。
景福代理的德國珠寶品牌Faderge昨日在灣仔舉行珠寶展，特別運來三隻共值二百萬元的豪華復古蛋展出。余安安偕十七歲女兒李文琪（Marcia）第二次母女檔上陣，示範兩套首飾。
箍牙唔敢笑
余安安說：「Marcia箍住牙，笑容唔夠靚，我畀佢八十分啦。今日係一份酬勞兩個分。」問她是否三七分帳？余安安說：「總之佢滿意啦，啲錢佢儲起，當學費、零用，等佢知道賺錢辛苦。」余安安又指兩女兒已爭相認購她收藏的珠寶首飾。
余安安以一襲火紅色低胸裙襯百萬珠寶，豔光四射，她說：「條裙有個厚pad，我真空唔使打底，好安全。」
向學校請假
問余安安如何保持胸部堅挺？她大方說：「我細個十六、七歲就識諗，會搽cream，做胸部exercise、按摩咁，唔可以偷懶，我都有買畀個女搽，不過佢唔肯搽。」
李文琪透露特別向學校請半日假示範珠寶，她說：「價錢好都值得請假，同埋有媽咪傍住，我會淡定啲。」
提到父親李萬祺經常被拍到拖女，李文琪說：「佢好似冇拍拖㗎。」問她可渴望父母復合，李文琪說：「我諗唔會囉，佢哋有自己決定，我唔會干擾。」
採訪、攝影：JessicaNgan
