上個星期講過，十個人十部車食飯，有讀者又問：「咁二十部車響繁忙時間去飲下午茶又點呢？」有，要去遠少少–西貢。經過西貢公路迴旋處後，行入大網仔路約五分鐘，過咗仁義路，就有一個巨型免費停車場，三十架車都泊得晒，呢度有兩間士多，由多士到炒粉麵都有得食，朝九晚七，一班朋友遊車河最啱。