梁榮忠早前背着女友鍾麗淇，與朱慧敏在車廂中激吻，無綫為保形象，立即暫停朱慧敏的主持工作，但忠仔卻仍可擔任台慶司儀。忠仔前晚還大講風涼話，認為公司這樣安排很公平，未知朱慧敏得悉後會有何反應呢？
梁榮忠早前被偷拍到在車廂中與朱慧敏激吻，他即時到泰國跟女友鍾麗淇箍煲，無綫以保護藝人形象為由，暫停朱慧敏的幕前工作，但忠仔卻繼續做台慶司儀。
「一視同仁」
忠仔前晚七時離開深井寓所，並親自駕駛其「媾女車」到尖沙嘴，出席無綫劇集《阿旺新傳》監製黃偉聲的婚宴。忠仔抵達尖沙嘴新世界中心的停車場時，因為記者不停拍照，影響他泊車，忠仔說：「唔該等我泊完先影。」
問到忠仔可有再聯絡朱小姐，他即劃清界線說：「邊個朱小姐？」記者強調是朱慧敏時，忠仔說：「冇喎，冇聯絡。」對於朱慧敏遭無綫雪藏，他可覺不公平？忠仔說：「公司有公司政策，我絕對唔覺唔公平，公司一視同仁。我𠵱家休緊假，暫時未有工作，除咗台慶司儀。」
砌模型解愁
問忠仔其女友鍾麗淇近日心情怎樣？他說：「佢冇乜嘢，我唔擔心，佢識面對傳媒，我反而擔心雙方家長，佢媽咪有病，我自己心情暫時都有啲煩躁，我就砌模型、睇漫畫同卡通片。」忠仔表示日前傳媒往找鍾麗淇母親一事見報後，他亦有致電伯母，但鍾母表示沒有講過訪問中的說話。
此外，忠仔日前出席電影《幪面超人》活動時，他全程黑臉對記者，他解釋：「我都係尊重大會，唔想講幪面超人以外嘅嘢，我𠵱家有喺網上發放自己嘅近況，講吓心底話。」
採訪、攝影：何永寧
